ОСНОВНИ ЗАЛОЖБИ НА ПАРТИЈАТА НА ПЕНЗИОНЕРИ
СТАТУТ НА ПАРТИЈАТА НА ПЕНЗИОНЕРИ
- Заштита на со Уставот и законите утврдени права на пензионерите и сите социјално загрозени граѓани, подобрување на нивната материјална и социјална положба и нивното достоинство во општеството,
- Изградба на општество на социјална правда и солидарност на сите граѓани,
- Изградба на правна држава на демократски основи и владеење на правото
- Изнаоѓање решенија за интеграција на земјата во евроатланските институции;
ПРОГРАМА НА ПАРТИЈА НА ПЕНЗИОНЕРИ
Во средиште на Програмата на ПП се луѓето (граѓаните), особено пензионерите и младите на кои, со чесно, одлучно и доследно дејствување на политичката сцена, им обезбедуваме гаранции за политичките, економските и социјални права, без разлика на полот, образованието, професијата, имотната состојба, националната, верската или било која друга припадност или обележје.
- Нашата Програма е ПОНУДА НА ДОГОВОР СО ГРАЃАНИТЕ, со чија подршка и доверба СЕ ОБВРЗУВАМЕ, дека ќе ги вложиме сите свои сили и знаења да ги реализираме нaшите цели,
- Општествено – економскиот интерес за пристоен и достоинствен живот на секој граѓанин во нашата држава е основната идеја што цврсто го одржува политичкото единство на ПП. Етничката, верската, јазичната и другите видови припадност на членството ги третираме како посебно богаство кое ја одликува оваа Партија.