ПАРТИЈА НА ПЕНЗИОНЕРИ: Соопштение од одржана редовна седница на Извршниот одбор на партијата

Извршниот одбор на Партијата на пензионери на 05.12.2023 год. одржа редовна седница на која, помеѓу другото, се разгледани и усвоени Извештајот на Претседателот на ПП за работата на ПП во изминатиот период како и Извештајот на работната група за изработка на Насоките за делување на Партијата за периодот 2023/2024 год. во светло на обврските за делувањето на ПП до редовните Претседателски и Парламентарни избори.

Исто така повторно e истакнато дека Партијата на пензионери, како и до сега останува длабоко посветена на Европската интеграција, како единствена алтернатива за економски и политички просперитет на земјата а со самото тоа за иднината на сите граѓани во големото европско семејство каде што и припаѓаме.

Пензионерите, младите и сите граѓани заслужуваат подобро во секој сегмент на својот живот, тоа било, е и ќе остане главен мотив и потик за понатамошното работење на Партијата на пензионери.